പ്രധാന മാറ്റങ്ങളും ശ്രദ്ധിക്കേണ്ട കാര്യങ്ങളും:
ബാഗ് ഡ്രോപ്പ് സമയം മാറ്റി: കഴിഞ്ഞ ഏപ്രിലില്‍ പ്രഖ്യാപിച്ച പുതിയ നിയമപ്രകാരം, വിമാനത്താവളങ്ങളിലെ ബാഗ് ഡ്രോപ്പ് ഡെസ്കുകള്‍ വിമാനം പുറപ്പെടുന്നതിന് 60 മിനിറ്റ് മുന്‍പ് (ഒരു മണിക്കൂര്‍ മുന്‍പ്) അടയ്ക്കും. മുന്‍കാലങ്ങളില്‍ ഇത് 40 മിനിറ്റ് ആയിരുന്നു.
യാത്രക്കാര്‍ കൂടുതല്‍ ശ്രദ്ധിക്കുക: ലഗേജ് ചെക്ക്~ഇന്‍ ചെയ്യാനുള്ള യാത്രക്കാര്‍ പതിവിലും 20 മിനിറ്റ് മുന്‍പെങ്കിലും വിമാനത്താവളത്തില്‍ എത്തിച്ചേരേണ്ടതാണ്. അല്ലാത്തപക്ഷം ലഗേജ് സ്വീകരിക്കുന്നതില്‍ ബുദ്ധിമുട്ടുകള്‍ ഉണ്ടായേക്കാം.
യാത്രക്കാര്‍ക്ക് ലഭിക്കുന്ന ഗുണങ്ങള്‍: ബാഗ് ഡ്രോപ്പ് നടപടികള്‍ നേരത്തെ പൂര്‍ത്തിയാക്കുന്നത് വഴി സെക്യൂരിറ്റി ചെക്ക്, പാസ്പോര്‍ട്ട് കണ്‍ട്രോള്‍ തുടങ്ങിയ പരിശോധനകള്‍ക്ക് യാത്രക്കാര്‍ക്ക് കൂടുതല്‍ സമയം ലഭിക്കും. ഇത് തിരക്കേറിയ സമയങ്ങളില്‍ ഡിപ്പാര്‍ച്ചര്‍ ഗേറ്റില്‍ കൃത്യസമയത്ത് എത്തിച്ചേരാനും, വിമാനത്തില്‍ കയറാന്‍ കഴിയാതെ പോകുന്ന സാഹചര്യം ഒഴിവാക്കാനും സഹായിക്കുമെന്നാണ് കമ്പനി വ്യക്തമാക്കുന്നത്.
യാത്രക്കാര്‍ അനാവശ്യമായ സമയനഷ്ടവും ബുദ്ധിമുട്ടുകളും ഒഴിവാക്കാന്‍ നവംബര്‍ 10 മുതല്‍ പുതിയ സമയക്രമം പാലിച്ച് കൃത്യസമയത്ത് തന്നെ വിമാനത്താവളങ്ങളില്‍ എത്താന്‍ ശ്രദ്ധിക്കുക.
Comments: